Шайх Шаъровий айтади: Сан – Францискода эдим. Бир шарқшунос мендан: “Қуръонни барчаси тўғрими?”, деб савол берди

Шайх Шаъровий айтади: Сан – Францискода эдим. Бир шарқшунос мендан: “Қуръонни барчаси тўғрими?”, деб савол берди.

Мен унга таъкид билан: “Ҳа, албатта!”, деб жавоб бердим.

У мендан яна: “Бўлмасам, нима учун кофирлар сизларнинг устингиздан ғолиб бўлиб турибди?!”, деб савол берди

. У Аллоҳ таолонинг Нисо сурасидаги қуйидаги “...Аллоҳ ҳаргиз кофирларга муъминлар устидан йўл бермас” оятини назарда тутаётган эди.

Мен унга: “Чунки, биз муъминлар эмас, мусулмонлармиз!”, дея жавоб бердим.

У ҳайратланиб: “Муъмин билан мусулмоннинг ўртасида нима фарқ бор?”, деб савол берди.

Мен: “Бугунги мусулмонлар намоз, закот, ҳаж, рўза ибодатларини адо қилади. Лекин, барибир тамомила бахтсизликда.

Нима учун бахтсизликда, дейсизми?

Бу ҳақида Ҳужурот сурасининг ўн тўртинчи оятида қуйидагича келади: “Аъробийлар, иймон келтирдик, дедилар.

Сен: «Иймон келтирганингиз йўқ, лекин бўйинсундик денглар, ҳали иймон қалбларингизга киргани йўқ...”.

Ҳалиги шарқшунос яна савол берди: “Ундай бўлса, нима учун ҳали ҳам бахтсизликдасизлар?”

. Бу саволингизни ҳам Қуръон очиқлайди. Ҳозирги мусулмонлар муъмин бўлишлари учун иймон марҳаласига кўтарила олмаяптилар.

Қуйида келувчи оятларга эътибор беринг:

Улар ҳақиқатда муъмин бўлганларида Аллоҳ таоло уларга нусрат берар эди.

Аллоҳ таоло Рум сурасининг 41 – оятида қуйидагича айтади: “Муъминларга нусрат бериш Бизнинг зиммамизда ҳақ бўлган”.

Агар муъмин бўлганларида шону, шуҳратда халқлар ўртасида машҳур бўлардилар.

Аллоҳ таоло Оли Имрон сурасининг 139 – оятида қуйидагича айтади: “Бўшашманглар! Хафа бўлманглар! Сизлар, агар муъмин бўлсаларингиз, устунсизлар”.

Агар муъмин бўлганларида Аллоҳ таоло уларнинг устидан бошқаларни ҳукмрон қилиб қўймаган бўларди.

Аллоҳ таоло Нисо сурасининг 141 – оятида қуйидагича айтади: “Аллоҳ ҳаргиз кофирларга муъминлар устидан йўл бермас”.

Агар муъмин бўлганларида Аллоҳ уларни ушбу мағлубият ҳолатида ташлаб қўймаган бўларди.

Аллоҳ таоло Оли Имрон сурасининг 179 – оятида қуйидагича айтади: “Аллоҳ муъминларни сиз турган ҳолда қўйиб қўймас”.

Агар муъмин бўлганларида ҳар бир ўринда Аллоҳ улар билан бирга бўларди.

Аллоҳ таоло Анфол сурасининг 19 – оятида қуйидагича айтади: “Албатта, Аллоҳ муъминлар билан биргадир”.

Улар мусулмон ҳолида қолдилар, муъмин ҳолига ўтмадилар. Аллоҳ таоло кўп оятида қуйидагича айтади: “Уларнинг кўплари муъмин бўлмаслар”.

Муъминлар кимлар?

Аллоҳ таоло Тавба сурасининг 112 – оятида қуйидагича айтади: “Улар тавба қилувчилар, ибодат қилувчилар, ҳамд айтувчилар, рўза тутувчилар, рукуъ қилувчилар, сажда қилувчилар, яхшиликка буюриб, ёмонликдан қайтарувчилар, Аллоҳнинг чегарасида турувчилардир. Ва муъминларга хушхабар бер!”.

Мулоҳаза қилайлик, Аллоҳ таоло нусрат, ғолиблик, ҳокимлик, тараққиёт ҳолатларини муъминларга боғлаяпти, мусулмонларга эмас!

Муҳаммад Мутаваллий Шаъровий роҳимаҳуллоҳ

Арабчадан Элёрбек Эркинбек таржимаси

скачать dle 12.1
Добавить комментарий

Оставить комментарий